phone

Çağrı mərkəzi

*4848

Həftəiçi 09:00 - 20:00 Həftəsonu 10:00 - 18:00

0

                                       



“Samsung Electronics BESPOKE” soyuducularını dünya bazarına çıxardaraq fərdiləşdiriləbilən məişət texnikasının yeni dövrünü elan etdi. İlk dəfə 2019-cu ildə istifadəyə verilən “BESPOKE”, yeni bir fəlsəfəni canlandıraraq, adi soyuducunu yenidən kəşf etməyə imkan yaratdı.


Sözügedən bu fəlsəfə soyuducunuzun saxlama sahəsini və xarici görünüşünü fərdiləşdirmək üçün “Samsung”un “Flat Style” kimi tanınan minimalist dizaynından ibarətdir.



“Samsung Electronics”in Rəqəmsal Texnologiyalar Departamentinin rəhbəri Jae Seung Lee qeyd edir: “Biz istifadəçilərin dəyişən vərdişlərinə cavab verən hərtərəfli interyer həlləri təklif edərək, “BESPOKE” məhsul xəttini bütün dünyada əlçatan etməkdən məmnunluq hissi duyuruq. Bizim vəzifəmiz insanların gündəlik həyatlarında kömək edən məhsullar yaratmaqdır”.


Beləliklə, “BESPOKE” soyuducuları öz sahibinin həyat tərzinə və onda baş verən dəyişikliklərə asanlıqla uyğunlaşır. Modullar bir-birini tamamlayaraq, birləşdirmə dəsti ilə bir araya gətirilir.


Məsələn, kiçik bir ailə üçün adi bir soyuducu kifayət edir, lakin, böyük bir mənzilə köçdüyünüzdə və ya ailəniz böyüdükdə, mövcud soyuducunuza daha bir modul əlavə edərək onu bir növ “Side-by-Side” soyuducusuna çevirmək mümkündür.

                               


Lakin, transformasiya “BESPOKE”u fərdiləşdirməyin yeganə yolu deyil. Belə ki, məhsul xətti həm də dəyişdiriləbilən ön panellərin rəng və material seçimini təqdim edir. Burada siz adi “boz metal” və ya “ağ” rəng ilə qarşılaşmayacaqsınız. Buna misal olaraq, mətbəxiniz təbii rənglərdə dizayn edilibsə, quru gili xatırladan teksturaya malik metallik “Cotta”ya nəzər yetirin. Mətbəxiniz böyük və işıqlıdırsa, günəş işığını əks etdirən parlaq “Glam Glass” örtüyünə üstünlük verin.


Beləliklə, “BESPOKE” müxtəlif rəngləri və örtükləri birləşdirmək bacarığı sayəsində hətta ən tələbkar istifadəçini belə razı salmağa qadirdir.


Bu keyfiyyətlər “BESPOKE” soyuducusunun istənilən interyerə və məkana uyğunlaşmasına imkan yaradaraq, həm də sözü gedən məhsula bir çox nüfuzlu dizayn mükafatları əldə etməyə kömək edib. Buna misal olaraq, “International Forum” (iF) “Design Award 2020”da çempionluğunu və “International Design Excellence Awards (IDEA) 2020”də ikinciliyə və “Best-in-Show” adına layiq olmasını qeyd etmək olar.


“BESPOKE” seriyasının hətta daxili quruluşu maraqlıdır. Belə ki, soyuducular tənzimlənəbilən temperatur zonası ilə təchiz olunub ki, bu da bir bölmədə 2 müxtəlif parametri təyin etməyə və “Flex Divider” ilə hər iki hissənin sahəsini tənzimləməyə imkan verir. Əlavə olaraq qatlanabilən 2-step “Fold Shelf” rəfini yarıya kimi qatlaya və ya böyük qablar üçün yer açmaq üçün tamamilə yığışdıra bilərsiniz. “Rack & Shelf” çoxfunksiyalı rəfinin dizaynı isə onu qida və şüşələrin saxlanması üçün əvəz edilməz edir. Belə ki, burada xüsusi səth onları üfüqi vəziyyətdə saxlamağa imkan yaradır. Həmçinin, “Humidity Fresh +” zonası tərəvəz və meyvələrin uzun müddət təravətli qalması üçün rütubət səviyyəsini 80 %-ə qədər qoruyub saxlaya bilir.


Hansı “BESPOKE”un sizin üçün daha uyğun olduğunu hələ də bilmirsinizsə, “Samsung” tərəfindən yaradılmış unikal onlayn resursdan - “BESPOKE Studio”dan, faydalana bilərsiniz. Burada virtual konfiqurasiyalardan istifadə edərək fərdi məhsulları nəzərdən keçirə, araşdıra və seçə bilərsiniz. Bu alət sizə mətbəxinizə və üslubunuza uyğun olaraq öz soyuducunuzu dizayn etməyə və əldə etməyə imkan yaradır.


Fərdiləşdiriləbilən dizayn, geniş rəng palitrası və təkmilləşdirilmiş qida saxlama imkanları ilə “BESPOKE” istifadəçilərə özlərini ifadə etməyə imkan yaradan yeni mətbəx cihazıdır.